2022-2023 оқу жылында кәсіптік практиканың жылдық жоспары негізінде, «Жеке пәндер әдістемелері» ПЦК мүшелерінің ұйымдастыруымен ардагер ұстаздар Д.К.Мурзабекова және  Г.Е.Сулейменовамен «МАМАНДЫҚҚА АДАЛДЫҚ» имидж кездесу өткізілді.

Кездесудің мақсаты –  білім ордасында ұзақ жылдар бойы еңбек еткен ұлағатты ұстаздардың мол тәжірибесімен бөлісу, жас ұстаздар мен білім алушыларға үлгі-өнеге көрсету.

Имидж кездесуге  колледж түлектері Алматы қаласы №91 бөбекжай – балабақша меңгерушісі  А.А. Каракулова,  ҚазҚПУ аға оқытушысы Г.М.Мышбаева және практика базаларынан №90 бөбекжай-балабақша меңгерушісі  Г.С.Жайлаубаева,  №143 мектеп –лицей  директордың оқу ісі- жөнінен орынбасары С.Т.Бекбатырова қатысты. Сөз кезегінде білім беру ұйымдарының бірінші басшылары жас ұрпақты тәрбиелеу және болашақ педагогтарды даярлау барысындағы Дамиля Каирқызы  және  Гульбану Ештайқызының орасан зор еңбектеріне тоқталды және де колледж түлектері өз ісінің жетік, білікті  мамандарынан тәлім алғандарын өздерінің жеткен жетістіктерімен дәлелдеп, зор мақтанышпен атап өтті.

Имидж кездесуде колледж директоры М.Т.Мендгазиева қорытындылай келе, ардагер ұстаздар мен қонақтарға алғыс білдірді.