07.04.2021ж Алматы қаласы, Түрксіб ауданы №102 жалпы білім беретін мектептің 9 сынып оқушыларымен кәсіптік бағдар жұмысы бойынша қашықтықтан кездесу өтті.
Кездесудің мақсаты оқушыларға мамандық таңдауға бағыт-бағдар бере отырып, колледж тарихы, материалдық-техникалық базасы, оқытушылар құрамы, дайындалатын мамандықтар туралы толық ақпараттар беру, жарнамалау болды.
Ағылшын тілі және арнайы пәндер оқытушысы Күнтубай Арайлым Абзалқызы Zoom платформасында АКТ мүмкіндіктерін қолдана отырып, аталмыш мәселелерді, сондай-ақ соңғы жылдардағы елеулі тарихи оқиғалармен және оқытушылар мен студенттердің жетістіктерімен таныстырып өтті. Колледжде дайындалатын мамандықтарға жеке тоқталып, олардың болашақтағы мүмкіндіктерін атап өтті. Колледждің сайтымен, әлеуметтік желілердегі жеке парақшаларымен таныстырды. Кездесу соңында оқушыларға сұрақтар қойып, кері байланыс жасады. Оқушылардың қойған сауалдарына жауап берілді.
Нәтижесінде, оқушылар колледж жайлы және жалпы мамандықтар туралы толық мәліметтер алғанын, әлеуметтік желілер арқылы байланыс жасайтынын хабарлап, ұйымдастырушыларға алғыстарын білдірді.
