Колледж директоры М.Т. Мендгазиева мен колледж әкімшілігінің қатысуымен “Тәрбие жұмысын ұйымдастырудағы колледж – ата-ана – студент арасындағы байланыс” тақырыбында онлайн форматта 1-2 курс білім алушыларының ата-аналарымен жиналыс болып өтті. Аталған жиналыс қашықтықтан ZOOM платформасы жүйесінде өткізілд Жиын барысында колледж директоры қашықтықта оқыту форматындағы білім сапасы, студенттердің сабаққа қатысуы ,кері байланыс, ата-ана мен колледж арасындағы байланыс сияқты мәселелер қарастырылды. Сондай-ақ сыбайлас жемқорлыққа жол бермеуі,бюджеттен бөлінген қаражаттың жұмсалуы, колледж тарапынан жағдайы төмен отбасыларға көрсетілген көмек ретінде сабаққа қажетті техникалық құралдардың уақытша пайдалануға берілуі жөнінде айтылды.
Директордың оқу ісі жөнінен орынбасары Ә.Б.Әлімжанова колледждегі оқу үрдісінің ерекшеліктерімен, талаптармен таныстырды. Жиналыс барысында директордың тәрбие ісі жөнінен орынбасары А.А.Байтекеева ата-аналарға желідегі қауіп – кибербуллинг, кибербуллинг салдары — депрессия мен агрессия жағдайына түсу зардаптары,ата-аналардың осындай мәселелер туралы және виртуалды өміріне бақылау жасау қажеттігін айтты.
Жиын соңында ата-аналар қашықтықтан оқыту жүйесінде колледж ұжымының жан-жақты заман талабына сай, жаңа ақпаратттық технологиялардың ,оқу платформаларын пайдаланып,студенттердің білім сапасын арттыруға көңіл бөліп отырған ұстаздарға алғыстарын білдірді. Колледж әкімшілігі мен ұстаздарына кәсіби шеберлігі мен сапалы білім беру жолында шығармашылық табыстар тіледі.
