БАЙҚАУЛАР

Алматы қаласы Білім басқармасы Қалалық білім берудегі жаңа технологиялардың ғылыми әдістемелік орталығының ұйымдастыруымен педагогикалық сала бойынша техникалық және кәсіптік білім беру ұйымдарының педагогтері арасындағы​ қалалық кәсіби шеберлік конкурсы өтті.Конкурстың мақсаты:

Педагогикалық мамандықтар және жалпы білім беру пәндерінің оқытушысы мамандығының мәртебесін арттыру. Конкурсқа қатысушылардың педагогикалық тәжірибесін ұсыну және танымал ету.Конкурсқа қатысуға қаладағы оқу орындарының 6 педагогынан өтінім келіп түсті. Конкурс қатысушыларына «Ұстаз» кәсіподақ ұйымы ақшалай сыйлықпен марапаттап, қолдау көрсетті. Қатысушыларға берілген тапсырмалардың форматы 3 модульден тұрды.Әр модульде 1тапсырмадан берілді.

Модуль №1−«Мен және социум» (3 минуттық бейне-ролик).

Модуль №2−«Әдістемелік өнім» (мәтін және слайд (қорғау 3 минутке дейін).

Модуль №3−«Мультимедиялық технологиялар» (5 минутке дейін).

Конкурстың қорытындысы модульдер бойынша бағалау критерийлерімен және конкурстық комиссияның хаттамасымен анықталды.Нәтижесінде №1Алматы қазақ гуманитарлық-педагогикалық колледжінің ағылшын тілі мен арнайы пәндер оқытушысы Бегазова Мадина Жандаровна – 1орын және 40 мың ақшалай сыйлық, №2 Алматы гуманитарлық педагогикалық колледжінің ағылшын тілі мен арнайы пәндер оқытушысы Молдабекова Салтанат Изтургановна-2орын және 30 мың ақшалай сыйлық, Шетел тілдері педагогикалық колледжінің арнайы пәндер оқытушысы Даутова Нелля Гурбаевна – 3орын және 20 мың ақшалай сыйлық, ҚазНұр гуманитарлық колледжінің арнайы пәндер оқытушысы Балта Фариза Бекетқызы сертификат және 20 мың ақшалай сыйлықпен марапатталды. Жалпы пәндер бойынша #№1Алматы қазақ гуманитарлық-педагогикалық колледжінің тарих пәнінің оқытушысы Дәуренханова Жанар Жұмаханқызы -1орын және 40 мың ақшалай сыйлық иеленді. Әрбір қатысушының артында зор дайындық, ізденіс және еңбек жатыр. Құрметті қатысушыларға, жарысқа қатысып, өз шеберліктерін көрсету үшін барынша күш салғандары үшін алғыс білдіреміз!