14.03.2020 17 өндірістік бұйрық бекітілді
№1 Карантин кезеңінде АКМГП колледжінде коронавирустық инфекцияның таралуын болдырмау мақсатында колледждің оқу процесін және ағымдағы жұмыстарды, қорытынды аттестаттауды ұйымдастыру және оқытушылар мен қосалқы персоналдың жұмысы
ЕРЕЖЕ
І. Негізгі ережелер
1.1. «№1 Алматы қазақ мемлекеттік гуманитарлық-педагогикалық колледжі» КМҚК (бұдан әрі – Колледж) Педагогикалық кеңесі Колледждің негізгі алқалы органы ретінде карантин кезеңіндегі оқу процесін ұйымдастыруды және педагогтар мен қосалқы персоналдың жұмысын жүргізуді айқындайды.
1.2. Педагогикалық кеңес өз қызметінде Қазақстан Республикасының Конституциясын, карантин кезеңіндегі қолданыстағы заңнаманы, Қазақстан Республикасы Білім және ғылым министрлігі мен Алматы қаласы Білім басқармасының ведомстволық актілерін, Колледждің ішкі актілерін басшылыққа алады, сондай-ақ осы Ережені негізге алады.
1.3. Кеңес жұмысын негізінен Қазақстан Республикасы Білім және ғылым министрлігінің 2020 жылғы 14 наурыздағы № 108, 01 сәуірдегі № 123 бұйрықтарына және Колледж Жарғысына сәйкес жүзеге асырады.
1.4. Педагогикалық кеңестің шешімдері Колледждің барлық қызметкерлері үшін орындалуы міндетті.
1.5. Карантин кезеңі нақты анықталмағандықтан, Ереже ашық құжат болып табылады және оған тиісті өзгерістер енгізіліп отырады.
1.6. Педагогтар мен қосалқы персоналдың жұмыс кестесі мен режиміндегі өзгерістер туралы WhatsApp мессенджері немесе бейнебайланыс арқылы ұйымдастырылатын Кеңес отырыстарында алдын ала хабарланады.
II Кеңестің негізгі қызметі
- 1. Карантин кезеңіндегі оқу процесін ұйымдастыруды және педагогтар мен қосалқы персоналдың жұмысын айқындайды:
1.1. Колледж әкімшілігінен жедел жұмыс тобы құрылды. ПЦК-да қашықтықтан оқыту қызметтерін басқару, жоспар бойынша жұмысты бақылау және ұйымдастыру: Әлімжанова А.Б. – «Дене шынықтыру және спорт» ПЦК оқытушылары; Беғазова М.П. – «Шет тілдері және оқыту әдістемесі» курсының оқытушылары; Меңдғазиева М.Т. – «Педагогика және психология» ПЦК оқытушылары; қабылданған балалармен және олардың ата-аналарымен жұмыс – «Қазақ тілі мен әдебиеті және оқыту әдістемесі» оқытушылары; Студенттерді кәсіби даярлаудағы модульдік жұмыс оқу жоспарларының мазмұнына қойылатын талаптарды іске асыру шарттары – «Жеке пәндер әдістемесі» – ПЦК оқытушылары.
1.2. Оқытушылар жұмыс күнін кестемен бекітілген уақыт аралығында бастайды және аяқтайды. Қазақстан Республикасы Білім және ғылым министрлігінің 2020 жылғы 01 сәуірдегі № 123 бұйрығына сәйкес, 06.04.2020 жылдан бастап сабақ уақыты 14.00-де басталады және 2 сағаттық жұптық сабақ 30 минутты құрайды.
1.3. Студенттердің оқу-педагогикалық практикалары кестеге сәйкес қашықтықтан ұйымдастырылады. 06.04.2020 жылдан бастап оқу-педагогикалық практика сағат 14.00-де басталады, практиканың ұзақтығы бір академиялық сағатқа 15 минутты құрайды, оқу-педагогикалық практиканы өткізу – 3 сағат.
1.5. Колледж әкімшілігінің мүшелері 19.03.2020 жылдан бастап кезекшілік кестесі бойынша күнделікті сағат 10.00-15.00 аралығында жұмыс істейді.
1.6. Қосалқы қызметкер күн сайын қысқартылған жұмыс күні бойынша сағат 10.00-15.00 аралығында жұмыс істейді.
1.7. Автономды қазандық операторының жұмыс режимі кесте бойынша жүзеге асырылады. Жатақханадағы медициналық персоналдың орналасуына байланысты 16.04.2020 жылдан бастап күндізгі ауысымда қысқартылған жұмыс күні сағат 15.00 – 19.00 аралығында жұмыс істейді.
1.8. Әкімшілік мүшелеріне бекітілген ПЦК-лардағы педагогтардың қашықтықтан оқуын бақылау күнделікті кестеге сәйкес жүргізіледі, тиісті ескертулер мен нұсқаулар беріледі, анықталған мәселелер уақтылы шешіледі.
1.9. Топ кураторлары топтағы білім алушылармен және олардың ата-аналарымен жұмыс істейді – аналарымен байланыс орнатып, оқу процесіндегі өзгерістер мен талаптар туралы уақтылы хабардар етеді. Кураторлар топтарда анықталған мәселелер туралы әкімшілік мүшелерін дереу құлақтандырады, мәселелерді уақтылы шешуге қатысады.
1.10. Курстық жұмыстар бекітілген кесте бойынша Zoom қосымшасы арқылы қашықтықтан, WhatsApp мессенджерімен қорғалады, қорғау туралы бейнежазба жасалады, есеп жазылады, бұйрықпен бекітілген комиссия мүшелері қатысады. Мүмкіндігінше бакалавриат студенттері мен жұмыс берушілер тартылуы тиіс. Курстық жұмыстың электронды нұсқаларын жауапты комиссия мүшелерінің электронды поштасы арқылы қарап, танысу үшін жіберіледі.
1.11. Ағымдағы және қорытынды аттестаттауға арналған материалдар (емтихан билеттері бойынша сұрақтар, тест материалдары) мамандықтар бойынша және білім беру бағдарламаларының мазмұнына сәйкес, сынақ кестесіне сай әзірленді. Ағымдағы аттестаттау сынақтарының сұрақтары мен жауаптары Blm. Paragraph онлайн-тестілеу бөліміне енгізілді.
1.12. Түрлері мен формалары өзгертілді, ПЦК төрағалары өз бөлімшелерімен бейнебақылау (БКС) бойынша семинарлар өткізеді, жоспарланған жұмыстардың орындалуын талап етеді, әдістемелік нұсқаулар береді.